tandem para dos

Ipar Amerikako Zinea TB

2009-01-13T08:23:00.000-08:00

Alba Sistiaga, Goiatz Huaika Maruri, Jone Ibarrondo eta Olatz Genuak eginiko telebista da hau

Goza ezazue!

IPARAMERIKAKOZINEMA TV, programazioa:
00:00:00/12:00:00 GTM+1 Telebistaren aurkezpena eta Hollywood: aktore onenei omenaldia, Hollywood-en barneratuz, oskarrak eta star avenue
00:09:25/12:09:25 GTM+1 Walt Disney: Walt Disney-en biografia, Edurne Zuri eta Loti Ederra filmak
03:25:12/15:25:12 GTM+1 Ciudadano Kane: pelikularen inguruko azalpenak eta filma
05:16:44/17:16:44 GTM+1 Rebelde sin causa: Pelikularen inguruko azalpenak eta filma
07:05:30/19:05:30 Beldurrezko filmak: filmen aurkezpena, El Exorcista eta Poltergeist
10:52:10/22:52:10 GTM+1 Titanic: trailerra, kamaren atzean, hondoratzea eta amaiera alternatiboa
11:18:45/23:18:45 GTM+1 Laburmetraiak: Ipar amerikako laburmetrai sarituak

ON DEMAND BIDEOAK:
Telebistaren aurkezpena: Euskaraz
Hollywood eta oskarrak: Informazio orokorra
Walt Disney: Biografia eta Edurne Zuriren aurkezpena
Loti Ederra pelikula: Aurkezpena
Ciudadano Kane: Pelikularen aurkezpena
Rebelde sin causa: Filmaren aurkezpena
Beldurrezko filmak: Aurkezpena
Titanic: Aurkezpena
Kortoak: Aurkezpena

Nor da pertsonaia izkutua?

2008-12-17T07:25:00.000-08:00

Ondorengo ariketan, irrati-telebistaren historian sona edo ospea lortu duten pertsonaiak zein diren asmatu behar duzu. Hartu datuak eta kopiatu zure bitakoran edo koadernoan, pertsonaien abizena idatzita. Ea dakizun bakoitzan nor den.

Vladimir Zworykin
Errusian sortu zen, Murom hirian hain zuzen, 1899an; eta 1982an hil zen. AEBetan bizitza profesionala egin zuen asmatzaile honek Vladimir zeukan izena. Aditu askok diote bera izan zela telebista elektronikoaren eta bideoaren aita. 1923an, ikonoskopioa asmatu zuen, hau da, irudiak jasotzeko tutua. 1929an kineskopioa ere asmatu zuen. Westinghouse eta Radio Corporation of America (RCA) enpresetan lan egin zuen. II. Mundu Gerran AEBetako gobernurako aholkulari zientifikoa izan zen.

Ted Turner
CNN telebista kate ospetsuaren jabea eta gizon aberatsa. 1938. urtean sortu zen eta Robert Edward izena jarri zioten gurasoek. Familia aberats baten hirugarren pertsonaia ospetsua. 2002an, 9.300 milioi dolar galdu zituen AOL Time Warner enpresak kolapsoa eduki zuenean merkatuan. United Nations Foundation-i mila milioi dolar eman zion. Jane Fonda artistarekin egon zen ezkondurik.

Joxe Mari Iriondo
Kazetari, idazle, telebistalari eta kultur eragile gipuzkoarra. Urrestillan jaioa, 1938an. Merkataritza ikasketak egin ostean, Loiolako Herri Irratian hasi zen esatari lanetan 1962tik 1982ra bitartean. Ez dok amairu taldearen sortzaileetarikoa eta ETBko erredaktore-burua 1983tik 1985ra. Euskaltzain urgazlea eta ETBko zuzendari eta programazio-buru ohia izan zen. Liburu batzuen idazlea: Noiz amatxo? eta Euskal dantzak, kasurako.

Ramon Labaien
Euskal Telebistaren proiektua pertsonaia honek burutu zuen. Tolosan jaio zen 1928an eta aita idazle ospetsua izan zen Tolosako alkatea eta EAJkidea izateaz gain. Bere ekimenez ETBz gain, HABE, Euskadi Irratia eta Euskadiko Orkestra sinfonikoa ere sortu ziren.

"Ikas dezagun kontzeptuak parekatuz" ariketa

2008-12-17T06:42:00.000-08:00

Honako ariketa honetan, terminoak eta terminoei beraiei dagozkien kontzeptuak parekatu behar dituzu.

0. Jirafa: Telebistaren alorrean erabiltzen den hitza beso artikulatu moduko tresna bat izendatzeko, hots, mikrofonoa daraman besoa mikroa bera esatariengandik ahalik eta hurbilen ipintzeko iruditik landa utziz.

1. Slow motion: Irudi mugimendua moteltxoago erreproduzitzea.

2. Teleprompterra: Telebista platoan testuak seinalatzeko sistema digitala. Telebista kameraren ondoan kokatzen da pantaila, esatariak pantailara begiratzen duenean testua irakur dezan, era horretan begirada aurrera zuzenduz eta tinkotuz.

3. Bitakora: Iberoamerikan erabiltzen den hitza berriemaileentzako eskuliburuak izendatzeko

4. Klaketa: Telebistan eta zinemagintzan erabiltzen den terminoa arbel txiki bat (zurezko listoi txikerra daukana) izendatzeko. Irudiak eta soinuak sinkronizatzeko erabiltzen da arbelezko tresna hori.

5. Close-up: Telebistan eta zinemagintzan erabiltzen den hitza esatari edo aktore baten lehen planoa izendatzeko (sorbaldarainokoa) edo lehen-lehen planoa adierazteko.

6. Dolli-a: Karro batean ezarrita doan garabi txikia, telebista estudioetan erabiltzen dena kamerak leku batetik bestera eramateko. Estudio bakoitzean hiru kamera egon ohi dira eta horietariko batek hain zuzen tresa hau darama.

7. Jingle-a: Ingelesezko hitza, irratian erabilia eta publizitate doinu arrakastatsuak izendatzeko erabili ohi dena.

8. Klimaxa: Narrazio baten une gorena (dela irratsaio batena, dela telesaio batena) izendatzeko erabiltzen den terminoa.

9. Ekoizpena: Irratsaio edo telesaio bat egiteko behar diren baliabide finantziero, material eta juridikoez arduratzea.

"Krisi ekonomikoa" 2.ataza

2008-12-10T11:59:00.001-08:00

CAMPUSA LANEN ONDOREN

2008-11-18T10:25:00.000-08:00

Hementxe daukagu gure campusa, egiten ari diren milaka obrak eta gero edukiko duen itsurarekin.

2008-11-12T10:45:00.000-08:00

Livelyn sartzen saiatu nintzen, baina ez nuen lortu gelditu ginen orduan sartzea, (ordu bat pasa zenean lortu nuen) jende gehiegi zegoela zihoelako. Gauza hauek ez zaizkit gehiegi interesatzen baina oso ondo dago jakitea horrelako webguneak daudela, aukera ugari eskaintzen dizkigulako.

XXI. mendeko ikasketa

2008-11-12T09:56:00.000-08:00

Bideoa ikusi ondoren, ikusi ahal izan dugu XXI.mendeko ikasketa ez dela egokia, ezta aurretik emandakoa ere. Hiru izango lirateke gaur egun eman beharreko pausuak hezkuntza hobea jaso dezagun: konpetibitatea, kooperazioa eta kolaborazioa. Pausu hauek, giro egoki eta eroso batean, kreatibitatea sustatzen dute eta guztiz ados nago klaseak dinamikoago eta praktikoago egitearekin.

Wikipediarako sarrera: etb3

2008-10-28T08:10:00.000-07:00

Urriaren 10ean hasi zen etbko hirugarren katea emititzen, kate autonomiko euskalduna. Etb3 euskara hutsean emitituko da eta xede-talde nagusiak ume eta gazteak izango dira; goizean umeei eskainiko diete programazioa eta arratsalde eta gauean berriz, gazteei.

Programazioaren barnean, "Sautrela", "Hitzetik Hortzera" , "Teknopolis" edo "Munduan Gaur" bezalako ezagunak aurki daitezke, baita etb3rako eginiko berriak: "Martina" eta "BURP". Beraz, edukiak gehienbat musika eta kultura arlokoak izango dira.

Gainera, TDT bidezko kate autonomiko bat delako, gobernuaren dirulaguntzak izan beharko lituzkete, publizitatearenak baino; katea seguruagoa egiten duena euskaldun guztiontzat.

THE CORPORATION filmea

2008-10-28T03:09:00.000-07:00

Pelikula-dokumental honek hausnarketa egitera bideratu nau. Korporazio edo enpresek indar ugari (gehiegi esango nuke) dute gaur egungo gure gizartean; beren helburu nagusi bezala kapitala maximizatzea dutelarik, filmak erakusten digun bezala.

Dirua dela esango nuke mundu honen oinarrian dagoena eta korporazioei berdin zaie hau nola lortu. Kostuak minizatzeko asmoarekin, hirugarren munduko herrialdeetan esaterako, orduko hiru zentimo ordaindu dizkiete enpresa handiko produktuak egiten dituzten pertsonei (asko eta asko umeak).

Hau guztiaren erakusle den adibide bat da oso azpimarragarria iruditu zait: Posilac enpresak, behi bakoitzeko esne kopurua handiagotzeko, BGH izeneko hormona bat ekoiztu eta abeltzainek txertatzen zieten. Aipatutako hormona, mingarria eta osasunerako txarra izan harren (bai behi eta bai pertsonentzako ere), ez zuten merkatutik kanporatu. Berriro ere, agerian geratzen delarik enpresen etekin nahi asegabea. Filman aurrerago, ikusi ahal izan dudan moduan, bikote kazetari batek BGH hormonaren eta honen eraginen ondorioak munduari erakusteko asmoarekin erreportaia bat egin zuten. Fox enpresarentzat lan egiten zuten kazetari hauei, beren enpresaren abokatuak erreportaia emititzeko oztopo ugari jarri zizkieten, inongo fundamenturik gabekoak gainera. Erreportaiak argia ikusiz gero, Posilac enpresak Foxen aurka egingo zukeelako. Salaketa erreportaia egin zutenek diru eskaintzak jaso zituzten dena albo batera uztearen ordez, eta lanaren 83 berridazketa egin, Foxek onartu ahal izateko. Azkenean, kazetarien ezetzaren ostean, kaleratuak izan ziren.

Filmean zehar, hainbat eta hainbat enpresa buru agertu dira heuren iritziak ematen. Batzuren ahotatik hitz politak atera ziren; ingurumenarekiko beren jarrera hobetu nahi zutela... baina gehien harritu nauena askoren hoztasuna izan da sozialki garrantzia duten gaietaz mintzatzen zirenean: 11M-ko atentatuak urrearen balioa asko igo zuela eta bezeroek heuren irabaziak bikoiztu zituztela, hortaz, onuragarria izan zela egun horretan gertatutakoa, baita irakeri erasoak ere... pertsonen bizitzak inongo baliorik izango ez balu bezala.

Guztiok dakigu gure mundua zanpatzen ari garela eta korporazioek zerikusi handia dutela horretan, baina hala ere, ez dugula ezer egiten. Filmearen bukaeran Michael Moore dokumentalgileak dioen moduan, ezin gara besoak zeharkatuta geratu hau guztiaren aurrean, eta nahiz eta enpresa handiek hori egingo dugula pentsatu, Moorek gugan jartzen du esperantza mundu hobeago baten hasiera eraikitzeko.

Top 7

2008-10-21T10:18:00.000-07:00

1- Youtube: mundu guztiko bideoak ikus daitezke webgune honetan, baita nahi dituzunak igo ere, komentarioak uzteaz gain.

2- Google: Google bilatzaile bikaina da, ia edozein gaiko informazioa bila dezakezulako, baita irudi, mapa, taldeak...

3- Peliculasyonkis: webgune honi esker, pelikula asko eta asko ikus daitezke, alor guztietakoak, jaisteko beharrik gabe: ireki eta ikusi.

4- Hiztegia.net: hiztegi ugari aurki daitezke orrialde honetan, sinonimo, antonimo, hitzen esan nahiak, erdaratik- euskararazko itzulpenak, alderantziz...

5- Worldnews: berri bilatzailea dugu hau, munduko edozein tokitan gertatzen dena jakin dezakegularik hemen sartuz.

6- Google earth: oso erabilgarria da orrialde hau leku bat non dagoen jakin nahi denean, mapen bidez gerturatuz eta urrunduz herrialdea, herria, auzoa, edo kalea ikus daitekeelarik; munduko edozein lekutakoa.

7- Ebay: interesgarria da oso orrialde hau, salgai duaden munduko miloika objetu ikusi eta erosi baitaitezke internet bidez.

Ariketa

2008-10-16T08:55:00.000-07:00

0b: Al Gore estatubatuarrak, Luxenburgeko Dukerri Handia bisitatu ostean, Euskal Herrirako bidea hartuko du mintzaldi bana emateko Bilbaon eta Gasteizen.

1a: Zenbait manifestaldi jendetsu egin dira azken egunotan Kazakhstango Errepublikan.

2a: Litekeena da Marokon edo Gambian izatea Aldaketa Klimatikoari buruzko datozen topaketak.

3a: Boliviar gutxi dira bertako hiru hizkuntzak, kitxua, aimara eta gaztelania alegia, menperatzen dituztenak.

4a: Georgiako hiriburua, Tbilisin alegia, euskaldunak non bizi diren eta georgiarrak eta euskaldunak aideak izan daitezkeela dakite askok.

5a: Abkhaziarrak georgiarren senideak dira hizkuntza aldetik; osetiarrek, ostera, kurdoen hizkuntzaren multzokoa dute mintzaira, senidetasunik gabekoa, alegia.

6a: Euskal arrantzaleek, Seychelletako Errepublikara jo dute ezinbestean, itsas-piraten beldur.

Eskutitza (the Letter)

2008-10-13T09:18:00.000-07:00